मंचर येथील गोळीबार करून खून करणाऱ्या गुन्ह्यातील संशयित आरोपी पुणे ग्रामीण च्या स्थानिक गुन्हे शाखेच्या पथकाने घेतले ताब्यात

    आंबेगाव  (प्रतिनिधी ) - मंचर पोलिस स्टेशनचे हद्दीत एकलहरे गावच्या हद्दीत ओंकार उर्फ राण्या बाणखेले याची डोक्यात पिस्टलने गोळी मारून हत्...

 

 आंबेगाव (प्रतिनिधी ) - मंचर पोलिस स्टेशनचे हद्दीत एकलहरे गावच्या हद्दीत ओंकार उर्फ राण्या बाणखेले याची डोक्यात पिस्टलने गोळी मारून हत्या केल्याप्रकरणी मंचर पोलीस स्टेशन येथे गुन्हा दाखल होता. सदर प्रकार हा गंभीर असल्याने सदर गुन्ह्यातील आरोपीचा शोध घेण्याचे  पुणे ग्रामीण पोलीस अधीक्षक डॉ.अभिनव देशमुख  यांनी आदेश दिले होते. या गंभीर  गुन्ह्याचा स्थानिक गुन्हे शाखा पुणे ग्रामीणच्या पथकाने समांतर तपास सुरु केला होता.                 

                याबाबत अधिक माहिती अशी की,सदर गुन्ह्यातील आरोपी हे गुन्हा करून फरार झाले होते. स्थानिक गुन्हे शाखेचे पोलिस निरीक्षक मा. पद्माकर घनवट, यांना गुप्त बातमी दारा मार्फत माहिती मिळाली की सदर गुन्ह्यातील संशयित आरोपी रामा जाधव हा राजगुरुनगर खेड येथे येणार आहे. व नंतर पर राज्यात पळून जाणार आहे.तेव्हा मिळालेल्या बातमीनुसार स्थानिक गुन्हे शाखेच्या पथकाने खेड एसटी बस स्थानक  येथून एक संशयित इसम ताब्यात घेऊन त्याची अधिक चौकशी केली असता त्याने त्याचे नाव राम सुरेश जाधव, वय 22 वर्ष, रा. आंबेठाण, ता. खेड, जि. पुणे.असे सांगितले. तरी त्याची अटकपूर्व वैद्यकीय तपासणी करून पुढील तपास कामी मंचर पोलीस स्टेशनच्या ताब्यात दिले आहे. 

सदरची कारवाई मा.पोलीस अधीक्षक, डॉ. अभिनव देशमुख,अप्पर पोलीस अधीक्षक विवेक पाटील,उपविभागीय पोलीस अधीकारी श्री.लंभाते यांचे मागदर्शनाखाली पोलीस निरीक्षक पद्माकर घनवट,

सपोनि. नेताजी गंधारे, पोसई अमोल गोरे, पोसई रामेश्वर धोंडगे, सहा. फौजदार पठाण,पो. हवा. हनुमंत पासलकर,पो.हवा. विक्रम तापकिर,पो. हवा. दिपक साबळे, पो. हवा. राजू मोमीन,पो. ना. संदिप वारे,पो. कॉ. अक्षय नवले,पो. कॉ. निलेश सुपेकर,पो. कॉ. बाळासाहेब खडके,चालक सहा. फौज. राजापुरे, प्रमोद नवले केली आहे.