पत्रकार बांधवावर गुन्हा दाखल झाल्याबद्दल, समस्त पत्रकारांचे शिक्रापूर पोलिसांना निवेदन.

  वाघोली/प्रतिनिधी :- शिरूर तालुक्यातील शिक्रापूर येथे,दोन दिवसांपूर्वी वीज वितरणचे कर्मचारी व एका हॉस्पिटलचे संचालक डॉक्टर दाम्पत्य, यांच्य...

 

वाघोली/प्रतिनिधी:-

शिरूर तालुक्यातील शिक्रापूर येथे,दोन दिवसांपूर्वी वीज वितरणचे कर्मचारी व एका हॉस्पिटलचे संचालक डॉक्टर दाम्पत्य, यांच्यात हॉस्पिटलच्या वीजबीलासंदर्भात बाचाबाची होऊन, त्याचे रूपांतर धक्काबुक्कीत झाले होते.त्यावेळी हॉस्पिटलचे कर्मचारी तेथे उपस्थित होते. त्यात या हॉस्पिटलचे कर्मचारी असणारे पत्रकार विनायक साबळे यांचाही समावेश होता.या हाणामारीच्या प्रकारामुळे विजवीतरण कर्मचाऱ्यांनी शिक्रापूर पोलीस स्टेशन येथे गुन्हा दाखल केला होता. यात पत्रकार विनायक साबळे यांचे ही नाव फिर्यादी यांनी घेतल्याने त्याच्यावर ही गुन्हा दाखल झाला.परंतु तेथे उपस्थित असूनही काही व्यक्तींची नावे न आल्याने,आश्चर्य व्यक्त केले जात असून सूडबुद्धीने हा प्रकार झाला असल्याची शंका व्यक्त केली जात आहे. सर्व पत्रकार बांधवांनी,त्या संदर्भात शिक्रापूर पोलीस स्टेशनचे वरिष्ठ पोलीस निरीक्षक हेमंत शेडगे यांना सर्व पत्रकार संघटनांच्या वतीने झालेल्या प्रकाराबद्दल निवेदन देण्यात आले. 

तसेच, हॉस्पिटलचे सीसीटीव्ही फुटेज पाहून,या संदर्भात न्यायाची भूमिका घेण्याची मागणी यावेळी सर्व पत्रकार बांधवांनी केली. 

यावेळी या निवेदनावर प्रतिक्रिया देताना पोलीस निरीक्षक हेमंत शेडगे यांनी स्पष्ट केले की, "आम्ही घटना स्थळाचे सर्व सीसीटीव्ही फुटेज तपासून,नेमके खरे काय व खोटे काय  हे निष्पन्न करु."

यावेळी पत्रकार संरक्षण समिती, महाराष्ट्र चे पुणे जिल्हा कार्याध्यक्ष रविंद्र खुडे,राज्य मराठी पत्रकार परिषदेचे जिल्हाध्यक्ष विजय लोखंडे, महाराष्ट्र राज्य मराठी पत्रकार संघाचे पुणे जिल्हा उपाध्यक्ष सुरेश वांढेकर,राज्य मराठी पत्रकार परिषद चे जिल्हा उपाध्यक्ष सुनील भंडारे,NUJM चे तालुकाध्यक्ष सचिन धुमाळ,महाराष्ट्र राज्य मराठी पत्रकार संघाचे तालुकाध्यक्ष जालिंदर आदक, पुणे शहराध्यक्ष अनिल खुडे,जिल्हा संपर्क प्रमुख उदयकांत ब्राम्हणे,शिरूर तालुका कार्याध्यक्ष शंकर पाबळे, प्रमोल कुसेकर, प्रमोद लांडे,सुनिल पिंगळे,विशाल वर्पे, सूर्यकांत शिर्के,के.डी.गव्हाणे सतीश केदारी सह आदी पत्रकार उपस्थित होते.

 पोलिसांच्या वतीने दोन्ही बाजू तपासून लवकरात लवकर खात्री करूण न्याय दिला गेला नाही तर पुणे ग्रामीण पोलीस अधीक्षक यांच्या कार्यालयासमोर पत्रकार बांधवांच्या वतीने उपोषण केले जाईल.

सुरेश वांढेकर,उपाध्यक्ष महाराष्ट्रा राज्य मराठी पत्रकार संघ पुणे जिल्हा.