शिरूर ( प्रतिनिधी ) - येथील कुंभार आळी मित्र मंडळ व विठ्ठल मंदिर ट्रस्ट यांच्या वतीने संत शिरोमणी गोरोबा काकांच्या ७०४ व्या पुण्यतिथी निम...
शिरूर ( प्रतिनिधी ) - येथील कुंभार आळी मित्र मंडळ व विठ्ठल मंदिर ट्रस्ट यांच्या वतीने संत शिरोमणी गोरोबा काकांच्या ७०४ व्या पुण्यतिथी निमीत्त सिधुंताई सपकाळ यांच्या मनशांती छात्रालयास गरजेच्या वस्तु,फळे,मास्क,व खाऊ देऊन साजरी करण्यात आली. यावेळी सर्व समाज बांधवांनी घरोघरी गोरोबा काकांच्या प्रतिमेचे पुजन केले. तसेच शिरूर येथील कुंभार आळी येथे घरोघरी औषध फवारणी करण्यात आली. या आगळ्या वेगळ्या उपक्रमाचे सर्व स्तरातुन कौतुक होत आहे.
यावेळी अखिल महाराष्ट्र कुंभार समाज विकास संस्थेचे पुणे जिल्हा सचिव भगवान श्रीमंदिलकर म्हणाले की,संत शिरोमणी गोरोबा काकांच्या विचारांचा आदर्श डोळ्या समोर ठेवून कुंभार आळी मित्र मंडळ व विठ्ठल मंदिर ट्रस्टने राबविलेला उपक्रम स्तुत्य असुन, समाजा पुढे एक आदर्श ठेवला आहे.
राष्ट्रवादी युवक काँग्रेसचे शहर कार्याध्यक्ष अमित शिर्के म्हणाले की, असे अनेक उपक्रम हाती घेतले असुन यापुढील काळात समाजातील युवकांना बरोबर घेऊन ते पुर्ण करणार आहे.
यावेळी आखिल महाराष्ट्र कुंभार समाज विकास संस्थेचे पुणे जिल्हा सचिव भगवान श्रीमंदिलकर,राष्ट्रवादी युवक काँग्रेसचे शहर कार्याध्यक्ष अमित शिर्के,जेष्ठ पत्रकार नितीनभाऊ बारवकर,पत्रकार अनिल सोनवणे,पत्रकार रविंद्र खुडे,शिवसेना उपशहर प्रमुख संदिप जामदार, शिवसेना ग्राहक संरक्षण कक्षाचे नितीन जामदार, अमोल गोरे,संतोष जामदार,शंकर जामदार,चैतन्य जामदार,नितीन शिर्के,रवी लेडें,सुनिल शिर्के, अमोल जामदार आदी उपस्थित होते.
अडचणीच्या काळात कुंभार समाजाने मनशांती छात्रालयास भरघोस मदत दिली, त्यामध्ये फळे,खाऊ, गरजेच्या वस्तु ,मास्क दिले तसेच कुंभार समाजामुळे आश्रमातील मुलांना पहिल्यांदाच आंब्याच्या रसाचे जेवण असणार आहे त्याबद्दल सिंधुताई सपकाळ (माई ) यांच्या वतीने आभार व्यक्त करतो.
- विनय सिंधुताई सपकाळ
COMMENTS